Día Internacional dos Museos

 Con motivo da celebración do Día Internacional dos Museos, o alumnado de 3º e 4º de Educación Primaria participou nunha interesante actividade nabiblioteca do colexio, converténdose por un día en auténticos exploradores da  arte e da fotografía.

Durante a sesión, os nenos e nenas aprenderon primeiro que é un museo e cal éa súa función na conservación e difusión do patrimonio cultural. Coñecerontamén quen son as persoas que traballan nestes espazos, como conservadores, restauradores, guías ou comisarios, e descubriron algunhas das técnicas que se empregan para coidar e protexer as obras e obxectos antigos para que poidanchegar en bo estado ás futuras xeracións.

Despois desta explicación, a biblioteca transformouse nun pequeno museo escolar. Organizamos unha exposición con diversas pinturas e unha interesante colección de máquinas de fotografía antigas, que espertaron unha enorme curiosidade entre o alumnado. Os rapaces e rapazas observaron con moitaatención cada peza, fixándose nos detalles e descubrindo como funcionaban estas cámaras noutra época, cando facer unha fotografía requiría máis tempo, paciencia e técnica que na actualidade.

A actividade resultou moi enriquecedora e permitiu que os alumnos e alumnas aprendesen dunha maneira práctica e participativa, achegándose ao mundo dos museos con entusiasmo, respecto e moito interese

Letras Galegas 2016

Con motivo da celebración das Letras Galegas 2026, o alumnado do noso centro participou en diferentes actividades organizadas arredor da lingua, a cultura e as tradicións de Galicia, promovendo o coñecemento e o orgullo polas nosas raíces.

Por unha banda, o alumnado de 1º da ESO desenvolveu o proxecto “Falsos Amigos”, unha investigación centrada nos curiosos falsos amigos entre o galego e o castelán. A través deste traballo, os rapaces e rapazas descubriron palabras que presentan unha gran semellanza entre ambas linguas pero que teñen significados diferentes, ampliando así o seu vocabulario e reflexionando sobre a riqueza e singularidade da lingua galega.

Os exemplares elaborados foron entregados á profe Chus, responsable da biblioteca do centro, co obxectivo de compartilos con toda a comunidade educativa e seguir promovendo o uso e coñecemento do galego.

Por outra banda, o alumnado do primeiro ciclo de Primaria participou nunha actividade na biblioteca arredor do libro “O gran libro das nosas cousas”. A través da lectura e do traballo co vocabulario relacionado coa cultura e as tradicións galegas, os nenos e nenas achegáronse a diferentes elementos representativos da nosa terra.

Duodécima reunión do club de lectura

 Nesta reunión analizamos o conflito principal da historia: a desaparición da mascota de Carmen e o intento de estafa. O alumnado reflexionou sobre como detectar situacións sospeitosas e a importancia de pedir axuda a persoas adultas. 

Traballouse o pensamento crítico a través da lectura. Unha sesión moi enriquecedora.

Educapalabra

 Os alumnos e alumnas de 3º de Educación Primaria participaron nunha divertida actividade na biblioteca do colexio chamada “Educapalabra”, na que aprenderon novas palabras mentres xogaban e utilizaban os ordenadores da biblioteca.

A actividade consistiu en resolver un rosco de letras con palabras relacionadas con diferentes materias que están a estudar na escola, como matemáticas, xeografía, historia, ciencias... A cada letra do rosco correspondíalle unha pista, e os alumnos tiñan que pensar na palabra correcta relacionada co tema.

Cada vez que un alumno acertaba unha palabra, tiña a oportunidade de ir aoordenador da biblioteca e escribila, practicando así tamén o uso do teclado e aprendendo mellor o seu significado. Ademais, o profesor explicaba brevemente que quería dicir cada palabra para que todos puidesen comprendela e recordala.

Os nenos e nenas participaron con moito entusiasmo, levantando a man e querendo responder para poder ir ao ordenador. A actividade converteuse nunmomento moi dinámico e divertido, no que todos colaboraron e aprenderon aomesmo tempo.

Grazas a esta experiencia, o alumnado ampliou o seu vocabulario, practicouinformática e reforzou coñecementos de varias materias dun xeito lúdico. Sen dúbida, foi unha actividade moi entretida na que todos o pasaron xenialaprendendo e xogando coas palabras.

Décima reunión do club de lectura

 Nesta reunión centrámonos no vocabulario do libro “Dona Problemas”. Os nenos e nenas buscaron palabras descoñecidas ou interesantes, deduciron o seu significado polo contexto e consultaron o dicionario cando foi preciso. 

Despois, elaboraron definicións propias e usaron esas palabras en frases que copiaron nos seus cadernos.

Un bo traballo para enriquecer o

Novena reunión do club de lectura

 Durante esta sesión traballamos a comprensión lectora a partir do resumo dos primeiros capítulos do libro. O alumnado identificou personaxes, espazos e o problema principal, aprendendo a distinguir as ideas máis importantes. 

A actividade axudou a mellorar a expresión oral e escrita. Tamén compartiron os seus resumos co grupo e por último escribiron un anotaron as ideas principais no seus cadernos.

Obradoiro “A Muller na Ciencia”

 Sabíades que moitas das grandes científicas da historia foron invisibilizadas só por seren mulleres? O alumnado de 5º e 6º de Primaria estivo a traballar no proxecto #NoMoreMatildas para cambiar esta narrativa.

Os nosos nenos e nenas investigaron, reflexionaron e deron voz a aquelas mulleres cuxos logros quedaron na sombra. Compartimos estas imaxes do seu traballo na biblioteca: un esforzo por construír un futuro no que ningunha nena crea que a ciencia non é para ela.

¡Orgullosos do seu compromiso coa igualdade e coa xustiza histórica! 

Oitava reunión do club de lectura

 Nesta primeira reunión do club de lectura comezamos un novo libro: Dona Problemas. Rescatadora de mascotas, de O Hematocrítico, con ilustracións de Paco Roca. 

O alumnado observou a portada, coñeceu os personaxes principais e falou sobre o significado de resolver problemas.

Fixeron predicións sobre a historia e amosaronmoita curiosidade pola aventura que van ler. Foi unha sesión de motivación e achegamento á lectura.

Día Mundial da Educación

 Con motivo do Día Internacional da Educación, o alumnado de terceiro e cuarto participou nunha serie de actividades educativas e creativas centradas na figura de Malala Yousafzai, un referente mundial na defensa do dereito á educación.

Durante a xornada, os estudantes realizaron a lectura de diferentes datos e textos sobre a vida e o traballo de Malala, coñecendo a súa historia, a súa loita pola educación das nenas e o seu importante labor como activista. Estas lecturas serviron como punto de partida para reflexionar sobre a importancia da educación como dereito fundamental para todas as persoas.

Ademais, o alumnado levou a cabo actividades artísticas inspiradas en Malala, expresando a través do debuxo e doutras creacións plásticas os valores que ela representa, como a valentía, a igualdade e a perseveranza.

Estas actividades non só fomentaron a aprendizaxe e a creatividade, senón que tamén axudaron a sensibilizar ao alumnado sobre a importancia da educación no mundo e o papel que cada persoa pode desempeñar para defendela.

Celebramos o Día da Constitución

 O alumnado de 6.º de Primaria celebrou o Día da Constitución cunha actividade creativa e dinámica baseada na figura de Wonder Constitución, unha heroína creada para axudarlles a comprender de maneira sinxela os aspectos clave da Carta Magna.

Ao longo da xornada, o estudantado traballou conceptos fundamentais como:

• A aprobación da Constitución
• A soberanía do pobo español
• As institucións do Estado
• A división territorial de España

Ademais, descubriron os tres grandes “superpoderes” do Estado:

• Poder lexislativo
• Poder executivo
• Poder xudicial

Para rematar, reflexionaron sobre os dereitos e deberes da cidadanía e relacionáronos con contos populares, facendo a aprendizaxe máis próxima, significativa e divertida.

Unha experiencia enriquecedora que combinou valores cívicos, creatividade e imaxinación.