O alumnado de segundo de primaria acudiu a biblioteca para procurar información sobre os dinosaurios no marco dun proxecto colaborativo para aprender sobre a Era Mesozoica.
En equipos, consultaron os fondos dispoñibles e compartiron información sobre esta era, os hábitas e a alimentación dos dinosaurios e moitas curiosidades máis.
Parabéns!
O alumnado de 1 de primaria participou nun obradoiro que xirou en torno a un dos títulos da nosa biblioteca: “O Monstruo de Cores”, unha historia na que o protagonista aprende a recoñecer emocións coma a alegría, a tristura, o medo, a ira e a calma, cada unha asociada a unha cor.
Velaquí varias imaxes:
Esta semana acollemos a alumnado e profesorado do Agrupamento de Escolas Dom Luís de Ataíde de Peniche, Portugal, que participarán en aulas e reunións e cos que intercambiaremos boas prácticas.
Velaquí a primeira: unha visita a unha expo de cómics na biblio, organizada por Noel Cid, alumno de 3 ESO-B
Grazas, Noel!
Os membros do club de lectura de 5 e 6 de primaria reuníronse novamente para compartir impresións sobre “A Rateira”, de Agatha Christie.
Os alumnos debateron sobre as personaxes, a trama e os escenarios, para logo facer unha lectura dramatizada na que deron vida á historia con entusiasmo e creatividade. Despois, enriqueceron o seu coñecemento ao explorar as acotacións teatrais, comprendendo a súa importancia para guiar as accións e emocións dos actores no escenario.
Moitos parabéns!
Con motivo desta celebración, queremos convidarvos á biblioteca para ver a nova sección de banda deseñada inaugurada hai unhas semanas.
Velaquí alghunhas recomendacións da coordinadora da nosa biblioteca e algunhas imaxes da Comiteca de 4 ESO.
Agardámosvos!
O alumnado de 3º ESO A reforzou a súa competencia léxica de forma lúdica a través de “A Vacaloura”, un xogo de mesa que consta de 500 tarxetas cun total de 2000 preguntas diferentes e miles de palabras dos máis variados significados.
Pasáronno xenial!! Porque os xogos de mesa tamén son cultura!
Unha sesión de contacontos do alumnado da ESO aos peques de 1º de primaria durante a que as princesas Disney subvirten roles de xénero tradicional. Podedes escoitla e lela en pictogramas a través dun mural interactivo no vestíbulo.
Con motivo do Día Mundial da Muller, o alumnado de 2º da ESO empregou “Heroínas da Ciencia”, unha ferramenta de intelixencia artificial para charlar coas científicas máis importantes da historia coma Marie Curie, Hypatia de Alejandría ou Margaret Hamilton. Que che motivou a ser científica? Que é a radioactividade? Atopaches moitos problemas por ser muller na época na que viviches? Estas son algunas das preguntas que lle formularon.
Foi unha sesión moi interesante na que aprenderon a valorar o legado de mulleres sobranceiras na ciencia.
