Día Mundial do Medio Ambiente

 Con motivo do Día Mundial do Medio Ambiente, o alumnado de 4.º da ESO participou nunha actividade de reflexión e traballo cooperativo na biblioteca!

Estuvo centrada na importancia da acción climática e na necesidade de actuar fronte ao cambio climático. Durante a sesión, o alumnado traballou sobre os catro obxectivos estratéxicos relacionados con este lema, analizando cada un deles, debatendo en grupo e compartindo as súas ideas nunha posta en común. A partir deste traballo, propuxeron diferentes medidas que poderían contribuír a poñer en marcha estes obxectivos e avanzar cara a un futuro máis sostible.

Como resultado da actividade, realizaron diversos traballos que reflicten o seu compromiso, creatividade e conciencia ambiental, e que poden verse nas imaxes que acompañan esta publicación.

Desde o centro, felicitamos o alumnado pola súa implicación e pola súa contribución á construción dunha sociedade máis responsable co coidado do planeta.

Día Mundial da Diversidade Cultural

 O alumnado de 2º da ESO traballou coa súa teacher María Gil o libro bilingüe Diversity to Me, traído pola teacher Eva Pousa da súa mobilidade Erasmus a Portugal. A través desta lectura, os rapaces e rapazas puideron reflexionar sobre o significado da diversidade cultural, como a perciben no seu día a día e de que maneira nos enriquece como sociedade.

Ademais, na sesión de Música co profe Rafa Durán, afondaron nesta temática a través da canción Unity de Alan Walker. Completando os ocos da letra en inglés e traducindo o seu significado, o alumnado debateu sobre a importancia da unión social, o respecto ás diferenzas e os beneficios de convivir nunha sociedade diversa.

Unha experiencia enriquecedora que uniu literatura, linguas e música para seguir construíndo unha escola máis aberta, inclusiva e respectuosa coa diversidade cultural.

Letras Galegas 2026 na ESO

 Con motivo da celebración do Día das Letras Galegas, o alumnado da ESO participou nunha actividade especial na biblioteca do colexio dedicada á escritora e xornalista galega Begoña Caamaño. Esta proposta permitiulles achegarse á súa figura e á súa obra, descubrindo a importancia da súa contribución á literatura e á cultura galega.

A actividade comezou cun pequeno traballo de investigación no que os estudantes consultaron diferentes recursos bibliográficos e dixitais da biblioteca para coñecer mellor a biografía da autora. A través desta procura, puideron descubrir aspectos da súa traxectoria persoal e profesional, así como o seu compromiso coa lingua galega e o seu destacado papel no ámbito literario e xornalístico.

Posteriormente, o alumnado realizou a lectura e comentario dalgúns fragmentos das súas obras máis representativas. Esta lectura compartida serviulles para reflexionar sobre cuestións moi presentes nos textos de Begoña Caamaño, como a identidade, a igualdade ou a reinterpretación de figuras femininas da tradición literaria.

A actividade desenvolveuse nun ambiente participativo e enriquecedor, favorecendo o intercambio de opinións, a reflexión colectiva e o gusto pola lectura. Ademais de conmemorar o Día das Letras Galegas, esta experiencia contribuíu a seguir fomentando o interese pola literatura galega entre o alumnado e a valorar a importancia da nosa lingua e cultura.

Saint Patrick’s Day

 Hoxe conmemoramos o  Saint Patrick's day dende o departamento de inglés dun xeito moi especial.

 As profes María José Novo e María José Gil trouxeron gracias as mobilidades Erasmus un pedazo de Irlanda ata a biblioteca. 

Coa colaboración do alumnado de 4° Eso, entre libros sobre lendas irlandesas, unha arpa celta e leprechauns, o alumnado de 6°EI aprendeu quen foi San Patricio, porque o Trevo é un símbolo de Irlanda e que significan as cores da súa bandeira entre outras cousas interesantes!

Happy Saint Patrick's Day!

Comiteca

 No marco do Mes do Cómic, o alumnado de 3º e 4º da ESO participou nunha actividade especial desenvolvida na biblioteca escolar, convertendo este espazo nun punto de encontro para a aprendizaxe creativa e compartida.

A proposta partiu da lectura e análise de obras significativas como Maus, Persépolis, Hierba e Pies descalzos. A través do traballo en grupo, o alumnado afondou na interpretación de viñetas, reflexionou sobre as emocións dos personaxes e estableceu conexións entre as historias narradas e diversos feitos históricos.

A actividade organizouse mediante unha dinámica de rotación polos distintos cómics, o que permitiu ao alumnado achegarse a cada obra desde múltiples perspectivas. Este enfoque favoreceu o intercambio de ideas e a posta en común de reflexións arredor do valor do cómic como ferramenta para comprender mellor a historia e a realidade social.

Esta experiencia puxo de manifesto o potencial do cómic como recurso educativo, ofrecendo unha maneira diferente e motivadora de aprender. Ao mesmo tempo, reforzou o papel da biblioteca escolar como un espazo vivo, dinámico e aberto ao pensamento crítico, á lectura e á colaboración.

Día da Lingua Materna

 Con motivo da conmemoración do Día Internacional da Lingua Materna, o alumnado de 3º da ESO participou nunha actividade moi especial na biblioteca do centro, coa finalidade de poñer en valor a nosa lingua e descubrir a súariqueza cultural dun xeito lúdico e participativo.

Durante a sesión, os alumnos e alumnas aprenderon xogando numerosas palabras en galego relacionadas coa historia, a arte, a fauna e a flora de Galicia. A través de diferentes xogos didácticos, reforzaron vocabulario e ampliaron os seus coñecementos sobre o noso patrimonio cultural e natural.

Un dos xogos foi A Vacaloura, unha proposta dinámica que lles permitiutraballar o léxico galego de maneira divertida, fomentando a rapidez mental e o traballo en equipo. Tamén participaron nos xogos de Galiza no Tempo, centrados na historia e na arte de Galicia, onde tiveron que demostrar os seuscoñecementos sobre diferentes etapas históricas, personaxes relevantes e manifestacións artísticas do noso país.

Por último, xogaron a A Natureza no Camiño de Santiago, unha actividadeorientada a coñecer mellor a fauna e a flora galegas presentes ao longo do Camiño, valorando así a importancia da conservación do medio natural e do noso patrimonio ambiental.

A actividade resultou moi enriquecedora, xa que o alumnado puido celebrar o Día da Lingua Materna empregando o galego como ferramenta de aprendizaxe, comunicación e identidade, demostrando que aprender tamén pode ser unhaexperiencia divertida e significativa.

 

Día da Ilustración

 O alumnado de 1º da ESO celebrou o Día da Ilustración cunha actividade moi especial. Tras acudir á biblioteca do centro, investigaron as ilustracións dos libros das súas seccións preferidas e inspiráronse nelas para crear un cartel no que reflexionan sobre os ODS 4 (Educación de calidade) e 11 (Cidades e comunidades sostibles).

 A visita tivo un significado especial ao detérense na caricatura asinada e dedicada ao noso colexio “Padre Feijoo Zorelle” polo autor Siro, tras unha visita realizada hai anos na presentación do seu libro “Sorrir en Frades”, pois coincide con que ademais este ano é o autor homenaxeado do Día da Ilustración. Unha fermosa unión entre arte, lectura e valores!