A décima reunión do club de lectura de 5º e 6º de primaria estivo dedicada á análise dos personaxes principais da obra escollida polo club de lectura "A rateira" de Agatha Christie.
Debateuse sobre as motivacións dos personaxes e os posibles xiros da trama. A discusión foi reflexiva e construtiva, deixando aos alumnos ansiosos por continuar coa lectura na seguinte sesión.
Achégase a undécima edición do Festival do Libro cun programa repleto de actividades para celebrar que “Ler é un pracer”
Na novena reunión do club de lectura, os estudantes de 5° e 6° de primaria mergulláronse na trama de "A rateira" de Agatha Christie. Despois dunha lectura dramatizada da primeira parte da escena II do primeiro acto, onde ocorre un asasinato, os alumnos discutiron as súas impresións sobre a obra.
A sesión foi unha oportunidade para reflexionar sobre os personaxes e as pistas, mostrando un interese xenuíno no desenvolvemento do misterio e na análise literaria.
Vimos de recibir na biblioteca estes libros con pictogramas que poden facilitar a lectura de todo o alumnado. Por unha biblioteca máis inclusiva!
Agardámoste!!
Cada 2 de abril celébrase o Día do Libro Infantil para conmemorar o nacemento do escritor danés Hans Christian Andersen, un dos autores máis célebres de historias tan coñecidas coma Pulgariña, O soldadiño de chumbo, a raíña das neves e a pequena sereia. Achégate á biblioteca para ver a exposición que preparamos!
O alumnado de segundo de primaria acudiu a biblioteca para procurar información sobre os dinosaurios no marco dun proxecto colaborativo para aprender sobre a Era Mesozoica.
En equipos, consultaron os fondos dispoñibles e compartiron información sobre esta era, os hábitas e a alimentación dos dinosaurios e moitas curiosidades máis.
Parabéns!
O alumnado de 1 de primaria participou nun obradoiro que xirou en torno a un dos títulos da nosa biblioteca: “O Monstruo de Cores”, unha historia na que o protagonista aprende a recoñecer emocións coma a alegría, a tristura, o medo, a ira e a calma, cada unha asociada a unha cor.
Velaquí varias imaxes:
