Logo de ler 3 relatos de Cuentos para entender el mundo, de Eloy Moreno, o alumnado de 2º da ESO, en grupos, escolleron esceas de tres contos, as simplificaron e as representaron usando a mímica, de tal xeito que os seus compañeiros tiñan que adiviñar a historia e a mensaxe. Foi unha divertida actividade colaborativa que permitíu activar destrezas de selección de información e a capacidade de expresión verbal e non verbal do alumnado.
Parabéns!
O Xornal Escolar de La Región faise eco do obradoiro "Chat con autores da Ilustración" levado a cabo a semana pasada. Grazas pola difusión!
O alumnado de 3º ESO A ven de celebrar o Día Europeo das Linguas cunha actividade colaborativa na que activaron os seus coñecementos previos sobre os países que forman a Unión Europea. Logo de repasar as bandeiras europeas situándoas nos seus correspondentes países, intercambiaron información sobre o que sabían de cada un deles e elixiron unha emoción asociada. Foi una actividade moi interesante que axudou a comprender que estamos máis unidos do que imaxinamos.
Arranca o proxecto Hora de Ler cunha divertida actividade levada a cabo en 4º da ESO: “Chat literario con autores ilustrados”. Logo de documentarse sobre a literatura na Ilustración a través da lectura de Historia de la literatura universal de José María Valverde y Martín de Riquer Morera, o alumnado recreou un chat cos autores, intercambiando información e impresións sobre os temas clave, estilo e motivos característicos deste período.
Velaquí varias imaxes:
.jpg)
Comezamos a actividade lectiva con moitas novidades, tanto de fondos como de espazos. Agardamos que neste novo curso a biblioteca do colexio siga a ser para tod@s "moito máis que un espazo con libros".
Achégate e non esquezas de ler as normas de funcionamento da nosa biblioteca ou de facer as túas recomendacións enchendo o formulario que atoparás á dereita.
Grazas de antemán!
