O Día da Biblio na prensa

 O Xornal Escolar de La Región faise eco da celebración do Día da Biblioteca!

Día de la Biblioteca na ESO

 Con motivo da celebración do Día das Bibliotecas, o alumnado de 3º da ESO participou nunha actividade especial de lectura e reflexión arredor do libro “Las niñas del espejo” de Alejandro López. 

Tamén contamos coa participación do alumnado da aula de educación especial do colexio, o que fixo desta unha actividade inclusiva, chea de aprendixaxe e convivencia.

Despois da lectura do libro, realizamos unha posta en común na que falamos sobre a autoestima e sobre a importancia de quererse a un mesmo para poder acadar a felicidade e o benestar persoal. Foi un momento moi enriquecedor no que o alumnado compartiu as súas opinións e experiencias de manera aberta e respectuosa. 

 

Día da Biblioteca en infantil

 Esta semana o alumnado de Educación Infantil celebrou o Día da Biblioteca dun xeito moi especial e cheo de maxia. 

Na biblio do cole tivemos unha sesión de contacontos de Samaín a cargo da profe Thais, que nos fixo viaxar por historias cheas de misterio, cabazas, risas e algunhas pequenas doses de medo.

Os nenos e nenas escoitaron con moita atención, participaron con entusiasmo e demostraron que os libros son portas abertas á imaxinación e á emoción. 

Foi unha xornada moi divertida, na que combinamos o amor pola lectura co espírito do Samaín, enchendo a nosa biblioteca de contos, fantasía e sorrisos.

Grazas, profe Thais, por esta tarde tan especial!

Contacontos polo Día da Biblioteca

 Moitas grazas ao alumnado de 3º A pola sesión de contacontos que levaron a cabo para os peques de infantil con motivo do Día das Bibliotecas Escolares. Foi unha posta en escea moi divertida na que, disfrazados e facendo uso de peluches e títeres, contaron as historias A Biblioteca Nocturna  e Lazos de Flor de Minnie.

Velaquí varias imaxes:

O alumnado de 3º e 4º de primaria visita a biblioteca

 Hoxe, Día das Bibliotecas Escolares, o alumnado de 3º e 4º de primaria tamén visitou a biblioteca para recordar os servizos que ofrece e escoller os libros para levar emprestados. Agardamos vervos a miúdo por aquí. Grazas pola visita!

Visita guiada á biblioteca

 Agora que se achega o Día das Bibliotecas Escolares, o alumnado de 5º e 6º de primaria fixo unha visita guiada á biblioteca da man da nosa coordinadora grazas á que pudieron repasar os servizos que esta ofrece, coñecer a súa mascota “Don Lector” e coller emprestado o libro que máis lle chamou a atención. 

Velaquí varias imaxes. Grazas, Chus!

Vídeo con pautas para detectar información falsa

 Hoxe é o Día da Biblioteca e, para celebrar esta conmemoración, a alumnado de 4º de ESO-A, gravou un interesante vídeo na nosa biblioteca que explica os pasos a seguir para detectar noticias que son falsas. Agora máis que nunca estamos expostos a unha cantidade inxente de información mais saberías distinguir fontes fiables de fontes que propagan bulos? Sabes como seleccionar e compartir información de forma adecuada? Non deixes de ver este vídeo!