lunes, 23 de enero de 2023

"La Celestina" 3.0

 Retomamos a actividade na biblioteca cun proxecto moi motivador! 

Logo de facer lecturas individuais e compartidas de La Celestina, a tan coñecida traxicomedia de finais do século XV, e analizar o argumento, temas, personaxes e contexto histórico, o alumnado de 3º da ESO puxéronse na pel dos personaxes da obra e intercambiaron mensaxes de texto entre eles, unha maneira de achegar os temas ao estilo do século XXI.




Velaquí varias imaxes das conversas. Grazas por compartir!




miércoles, 21 de diciembre de 2022

Lectura compartida e análise de "The Nutcracker"(O Quebranoces)

 Velaquí varias imaxes da sesión de lectura compartida na biblioteca en torno a unha versión adaptada de "The Nutcracker" (O Quebranoces), o conto de E.T.A. Hoffmann ambientado no Nadal do que Tchaikovsky fixo unha célebre versión para o ballet. 




Boas festas a todos!

jueves, 27 de octubre de 2022

Lectura compartida e análise de "La Momie du Louvre"

O alumnado de 3º da ESO aproveitou que se achega o Samaín, tamén coñecido como Halloween, para celebrar o Día da Biblioteca coa lectura compartida e o debate dunha historia de terror en francés, “La Momie du Louvre”. Velaquí varias imaxes da sesión:











lunes, 24 de octubre de 2022

Espectáculo xograresco fusionado con estilo musical actual

 A clase de 3º ESO-A celebrou o Dia da Biblioteca dunha maneira moi orixinal! Fixo unha recreación dun espectáculo xograresco medieval a ritmo de estilos musicais actuais. Podédela ver neste video. Parabéns por tan interesante fusión!

Our favourite writers in English

 O alumnado de 3º da ESO comparte este vídeo sobre "Our Favourite Writers in English", unha actividade enmarcada no proxecto Erasmus cuxa finalidade é desenvolver competencias transversais a través do uso das novas tecnoloxías.

Ao longo desta actividade foron quen de buscar, crear e compartir información sobre autores de ficción en inglés, desde clásicos como William Shakespeare, Jane Austen ou Charles Dickens ata escritores/as contemporáneos como J.K Rowling, Stephanie Meyer ou Lenore Kandel.

Podes saber máis na súa páxina en Instagram. Grazas e parabéns!

Booktrailers polo Día da Biblioteca

 Que mellor maneira de celebrar hoxe o Día da Biblioteca que facendo recomendacións de lectura? Isto é o que fixeron na clase de 1º da ESO: intercambiar títulos de libros que deixaron unha pegada no alumnado. Algúns incluso gravaron as súas recomendacións en vídeo logo de familiarizarse con aplicacións de edición de vídeo e as proxectaron na aula.

Compartimos convosco os booktrailers de César e Derek, que recomendan a lectura do célebre relato dos Irmáns Grimm "Hansel e Gretel" e da máis recente serie de libros xuvenís, Ninja Kid, respectivamente.


Grazas, rapaces e parabéns!

Lectura dramatizada de "Cuatro corazones con freno y marcha atrás"

 Con motivo do Día da Biblioteca, o alumnado de 3º ESO-B levou a cabo unha divertida actividade que lles permitíu activar as súas destrezas de expresión oral: a lectura dramatizada do 1º acto dunha obra incluída no Plan Lector: "Cuatro corazones con freno y marcha atrás".

Logo de familiarizarse con técnicas de acento,  ritmo e entoación, puxeron en práctica o aprendido para interpretar o texto dramático. Velaquí varias imaxes da lectura:

Grazas por compartir!