Nesta reunión analizamos o conflito principal da historia: a desaparición da mascota de Carmen e o intento de estafa. O alumnado reflexionou sobre como detectar situacións sospeitosas e a importancia de pedir axuda a persoas adultas.
Traballouse o pensamento crítico a través da lectura. Unha sesión moi enriquecedora.
A sesión estivo dedicada á análise da protagonista, Carlota. O alumnado reflexionou sobre como é, como actúa e que cualidades ten para resolver problemas.
Falamos da responsabilidade, da intelixencia e da empatía que a caracterizan. Tamén relacionaron estes valores coa súa vida diaria.
Nesta reunión centrámonos no vocabulario do libro “Dona Problemas”. Os nenos e nenas buscaron palabras descoñecidas ou interesantes, deduciron o seu significado polo contexto e consultaron o dicionario cando foi preciso.
Despois, elaboraron definicións propias e usaron esas palabras en frases que copiaron nos seus cadernos.
Un bo traballo para enriquecer o
Durante esta sesión traballamos a comprensión lectora a partir do resumo dos primeiros capítulos do libro. O alumnado identificou personaxes, espazos e o problema principal, aprendendo a distinguir as ideas máis importantes.
A actividade axudou a mellorar a expresión oral e escrita. Tamén compartiron os seus resumos co grupo e por último escribiron un anotaron as ideas principais no seus cadernos.
Nesta primeira reunión do club de lectura comezamos un novo libro: Dona Problemas. Rescatadora de mascotas, de O Hematocrítico, con ilustracións de Paco Roca.
O alumnado observou a portada, coñeceu os personaxes principais e falou sobre o significado de resolver problemas.
Fixeron predicións sobre a historia e amosaronmoita curiosidade pola aventura que van ler. Foi unha sesión de motivación e achegamento á lectura.
Na sexta reunión aventurámonos nas profundidades do mar e no mundo dos seres diminutos con A serea e Pulgarciña.
A serea ensínanos o valor do amor, o sacrificio e a liberdade, pois renuncia a todo por seguir o seu corazón, aínda que iso implique dor. Pola súa parte, Pulgarciña é un conto sobre a superación e a independencia, no que unha pequena nena aprende a escoitar a súa voz interior e a loitar polo seu destino.
Ambas historias teñen algo en común: mostran que a verdadeira forza está en ser fiel a un mesmo e en buscar o propio camiño. Durante a sesión falaremos dos soños, da identidade e do poder de decidir sobre a propia vida.
Nesta quinta reunión mergullámonos nun conto profundamente humano: A pequena cerilleira.
A historia desta nena, soa e con frío, que atopa calor nos seus soños e lembranzas, fálanos da esperanza e da empatía. A través da súa tristura, aprendemos a mirar con ollos compasivos e a valorar as cousas sinxelas que nos fan felices.
Esta lectura invítanos a pensar nas desigualdades, na xenerosidade e na forza da imaxinación para manter viva a luz interior. Traballaremos sobre a pregunta: comopodemos facer que o mundo dos demais sexa un pouco máis cálido?
Será unha sesión para falar de sentimentos, solidariedade e tamén de agradecementopolas pequenas cousas da vida.
A cuarta reunión do Club de Lectura convídanos a escoitar a voz da beleza interior a través de O ruxiñole O parrulo feo.
No primeiro conto, descubrimos que non todo o que brilla é ouro: o canto verdadeirodo ruxiñol, sinxelo e cheo de sentimento, ten máis valor que calquera xoia. É unhametáfora preciosa sobre a autenticidade e a sinceridade.
En O parrulo feo, acompañamos a un pequeno que sofre o rexeitamento por ser diferente. Ao final, a súa transformación en cisne convértese nun símbolo de crecemento persoal, autoaceptación e respecto polos demais.
Falaremos sobre a autoestima, a beleza da diversidade e a importancia de coidar as palabras que empregamos cos outros. A lectura faranos pensar en como cada un pode descubrir a súa propia voz e sentirse parte do grupo.
Na terceira reunión do noso Club de Lectura, achegámonos a dúas das historias máis coñecidas de Hans Christian Andersen: O soldadiño de chumbo e A princesa e o chícharo.
Ambos contos fálannos da sensibilidade e da autenticidade. O soldadiño, feito de chumbo e cunha soa perna, ensínanos que o valor non depende da forza física, senónda capacidade de amar e resistir. Pola súa parte, a princesa do chícharo recorda que a verdadeira nobreza está na delicadeza do corazón e na empatía.
Durante a sesión reflexionaremos sobre o que significa ser valente, sobre as diferenzas e sobre como cada un de nós é único e especial. A lectura converterase nunespello onde recoñecer sentimentos e aprender a poñer nome ás emocións.
Nesta nova sesión, as nosas lectoras e lectores seguiron gozando do marabilloso mundo dos contos de Hans Christian Andersen. Comezamos coñecendo un pouco máis sobre a vida e obra deste autor danés, creador de historias tan famosas como A sirenita, O patito feo ou O traxe novo do emperador.
Precisamente, lemos e comentamos “O traxe novo do emperador”, un conto cheo de humor e intelixencia que nos convida a reflexionar sobre a honestidade, a vaidade e o valor de dicir a verdade.
Despois da lectura, traballamos diferentes aspectos:
💭 Comprendemos mellor os personaxes e as súas intencións,
🎭 Analizamos a mensaxe e a ensinanza do conto,
🖍️ E mesmo imaxinamos como sería un novo final… deixando voar a nosa creatividade!
Cada reunión convértese nun espazo para pensar, compartir e gozar lendo xuntos. ❤️Xa estamos a desexar que chegue a próxima!
Hoxe celebramos a primeira reunión do noso novo Club de Lectura, un espazo para gozar dos libros, compartir ideas e descubrir xuntos o pracer de ler.
Nesta primeira sesión, coñecemos en que consiste o club, eliximos entre todos o nome que nos representará (poner nome), fixado unhas normas básicas de convivencia e participación, e sobre todo pasámolo xenial!
A nosa primeira lectura será “O reiseñor e outros contos” de Hans Christian Andersen, unharecompilación chea de maxia, sensibilidade e grandes valores.Moi pronto compartiremos as nosas impresións, reflexións e aventuras lectoras.
Espéranos unha viaxe marabillosa entre páxinas e imaxinación!
Carmen García, coordinadora dos nosos clubs de lectura, está hoxe na XVII Xornada dos Clubs de Lectura no Palacio de Congresos e Exposicións de Galicia en Santiago de Compostela.
Grazas #bibliotecasescolares por esta oportunidade!
Chegamos ao final da nosa aventura literaria con "Ringo. Memorias dun coello fedello" de Pablo Nogueiras, e que mellor xeito de pechar este viaxe que rememorando todo o aprendido e compartido!
Nesta derradeira sesión, o alumnado expresou as súas opinións sobre o libro, destacando o que máislles gustou:
• Os personaxes únicos do circo Fantabuloso: desde Ringo, o coello fedello, ata o cabalo Gonzalo, o rinoceronte bailarín Xenofonte ou o escornabois Lois. ¡Cada un ten a súa propia magia!
• As ilustracións, que dan vida a esta historia chea de cor e fantasía.
• A importancia do respecto aos animais, unha bonita mensaxe que percorre todo o relato.
Foi unha oportunidade para recordar os nosos momentos favoritos: as creacións dos marcapáxinas, as nosas discusións sobre os números do circo e, sobre todo, a ilusión de descubrir xuntos cada páxina.
Agora, con este libro no corazón, seguiremos a buscar novas historias que nos fagan soñar.
Grazas, Ringo, por ensinarnos que incluso un pequeno coello pode ser o protagonista da súa propia aventura!
Hoxe mergullámonos no marabilloso mundo do circo Fantabuloso para coñecer os seusmáis peculiares habitantes: os animais que fan deste libro (Ringo. Memorias dun coellofedello) unha historia chea de maxia e respecto pola natureza.
Descubrimos personaxes tan orixinais como:
• Gonzalo, o cabalo de madeira que fuxiu dunha noria e agora encesta balóns como ningún.
• Xenofonte, o rinoceronte que baila ballet con gracia inesperada.
• Lois, o escornabois, piloto que voa nun avión de papel.
• Arturo, o canguro saltarín que necesita paracaídas para non escapar nas nubes.
Unha das cousas que máis nos gustou é que no circo Fantabuloso os animais son tratados con cariño e respecto. Seguiremos a viaxe con Ringo e os seus amigos, porque cada páxinaé un novo descubrimento.
Os personaxes de Ringo. Memorias dun coello fedello cobran vida nos nosos marcapáginas!
Desde o mago Leo ata Máxima Forzuda, pasando polo malabarista Lanzal Marcial, os personaxes do circo Fantabuloso cobran vida nos nosos marcapáxinas.
Unha forma creativa de celebrar a lectura!
Nesta sesión, o alumnado de 5º e 6º de primaria deu renda solta á súa creatividade inventando os seus propios personaxes para un novo Circo Fantabuloso.
Inspirados nos valores do libro Ringo. Memorias dun coello fedello (amizade, diversidade e empatía), os grupos inventaron personaxes únicos, imaxinaron os seus talentos especiais e reflexionaron sobre como cada un deles enriquece ao circo coa súa singularidade.
Unha actividade creativa e colaborativa que nos permitiu aprender e divertirnos mentres valoramos o que nos fai diferentes.
O alumnado de 5º e 6º de primaria continúa coa lectura de “Ringo. Memorias dun coellofedello”. Nesta sesión, o alumnado traballou nunha recompilación dos principais personaxesdo Circo Fantabuloso, un lugar único onde se respecta aos animais, non hai diferenzas entre homes e mulleres, e a diversidade é o valor principal.
Entre os personaxes preferidos dos nenos e nenas están:
Máxima Forzuda, capaz de levantar unha tonelada de filloas cunha soa man.
Leonidas Loureiro, o mago Leo, cuxa destreza supera calquera límite, mesmo sen unbrazo.
Marcial, o funambulista cun ollo de cristal, capaz de camiñar por encima dun delgado fío mentres le o xornal e pedalea nun monociclo.
Unha actividade que nos permitiu coñecer máis sobre este circo inclusivo e reflexionar sobre o valor da diversidade.
Nesta sesión seguimos descubrindo as aventuras de Ringo, o protagonista de Ringo. Memorias dun coello fedello, e centrámonos nun dos seus trazos máis divertidos: o seu gusto polas rimas!
Primeiro, o alumnado buscou rimas que aparecen no libro, gozando do enxeño do autor. Logo, animáronse a crearr as súas propias rimas a través de dúas dinámicas : “Cadea de rimas” e Creación de mini poemas. Estas actividades puxeron a proba a súa creatividade e axilidade coas palabras.
Foi unha experiencia chea de ritmo e aprendizaxe! Porque a lectura e a escritura tamén poden ser un xogo.
Nesta sesión continuamos coa lectura de Ringo. Memorias dun coello fedello, centrando o noso traballo nos dous primeiros capítulos: "Ringo" e "Bicicleta".
O alumnado ampliou o seu vocabulario explorando o significado de palabras como fedello, besbello, buligar e apouvigar, enriquecendo a súa comprensión do texto e aprendendonovas expresións.
Nesta sesión comezamos un novo libro: Ringo. Memorias dun coello fedello, escrito por Pablo Nogueira e ilustrado por David Pintor.
Ringo é un coello que, tras un fallo nun truco de maxia, atópase perdido lonxe do Circo Fantabuloso. Na súa aventura para regresar, coñecerá a novos amigos e vivirá experiencias que destacan valores como a amizade, a diversidade e a empatía.
Nesta primeira reunión, achegámonos ao argumento, ás persona es e ao autor desta historia chea de imaxinación, enxeño e humor.
