Felicitación de Nadal

 O equipo da biblioteca deséxavos un BO NADAL e un 2025 cargado de boas lecturas!!

Recomendacións de lectura para este Nadal

Ligazón al vídeo

Aprendizaxe entre iguais na biblioteca: “Coñecendo a célula!”

O alumnado de 3 ESO levou a cabo un proxecto na materia de bioloxía e xeoloxía para axudar ao alumnado de 5 de primaria a coñecer a célula e os seus compoñentes.

Cada alumno/a elixiu unha parte da celular ( núcleo , citoplasma, membrana, mitocondrias, ribosoma, retículo, citoesqueleto, vesículas...)e preparou unhas tarxetas para expor e explicar os escolares de quinto de primaria.

Paralelamente, o alumnado de 5 de primaria familiarizouse con este contido na materia de ciencias naturais.

Onte na biblioteca a sesión desenvolveuse en 3 fases:

1- Representación dos orgánulos celulares do alumnado de 3ESO aos alumnos/as de 5 de primaria

2- Exposición maquetas celulares con explicacións, preguntas e respostas 

 3- Consulta do libro de Ciencia da biblioteca escolar para descubrir á célula e compáralo coas maquetas e co explicado polos novos profes de 3ESO.

Parabéns por un proxecto exemplar!

O Obradoiro de inclusión na prensa

 Hoxe no Xornal Escolar de La Región, o obradoiro no que participou o alumnado de 3️⃣ESO-B para facer da biblioteca un espazo máis inclusivo

🙏🏻Grazas pola difusión‼️

Cara a unha biblioteca máis inclusiva

 Con motivo do Día Internacional da Discapacidade, o alumnado de 3ºESO-B contribuíu a facer da biblioteca escolar un espazo máis accesible e inclusivo. 

Participaron nun obradoiro no que afondaron nos conceptos de discapacidade, entornos discapacitantes, inclusión e accesibilidade cognitiva, que facilita a todas a persoas a comprensión do mundo no que vivimos.

Visitaram a plataforma de ARASAAC, analizaron e descargaron pictogramas e os colocaron para axudar a identificar fondos da biblio.

Grazas a tod@s!

Terceiro encontro do club de lectura da ESO

 O alumnado da ESO segue a gozar da lectura de El pequeño Nicolás. Nesta sesión puxemos o foco naqueles aspectos do contido do libro que non considerabamos axeitados desde un punto de vista ético. Tamén aprendemos o significado de modismos e frases feitas que aparecían na lectura.

25N

 Hoxe, con motivo do Día Internacional da Eliminación da Violencia contra as Mulleres, o alumnado de 1º e 2º de prinaria participaron nunha actividade moi especial na biblioteca. Leron o fermoso conto "Te quiero (casi siempre)", que nos convida a reflexionar sobre o respecto, o agarimo e a importancia das relacións sas. Ademais, prepararon pulseiras cheas de cor e significado, como símbolo do noso compromiso coa igualdade e o respecto. Xuntos e xuntas, seguimos aprendendo por un mundo libre de violencia!