Como centro integrado no Programa de Mellora de Bibliotecas Escolares de Galicia (PLAMBE), temos acceso á plataforma de contido dixital ELBE.2 para acceder ao préstamo de libros, audiolibros, filmes, prensa en formato dixital.
Nas vindeiras semanas a coordinadora da biblioteca proporcionará as vosas credenciais para que poidades acceder.
Logo de rematar a lectura do clásico Lazarillo de Tormes, o alumnado de 3° da ESO participou nun obradoiro no que redactaron capítulos alternativos. Logo dunha posta en común guiada de aspectos clave da obra, redactaron diálogos entre o Lazarillo e outras personaxes, que leron en voz alta para deleite de tod@s.
Parabéns!
Xa podes consultar na o mural e o libro co alfabeto dactilolóxico que creou o alumnado de 1 da ESO con motivo do Festival do Libro.
Parabéns!
Moitas grazas ao alumnado de 2 ESO por este cartaz sobre o legado de Luisa Villalta que xa podedes consultar na biblioteca:
Hoxe o Club de Lectura para alumnado de 5º e 6º de primaria adicou a súa reunión a mellorar o vocabulario. Cada estudante buscou no libro de lectura A rateira palabras descoñecidas para el para logo facer unha posta en común e descubrir os significados desas palabras.
Foi unha sesión práctica e proveitosa, onde todos puideron enriquecer as súas habilidades lingüísticas. Para rematar a reunión o alumnado copiou as definicións nos seus cadernos do Club de Lectura.
Achégase o día das nosas letras! Por iso a coordinación da biblioteca ven de facer unha selección de lecturas en galego. Achégate e anímate a coller emprestado algún exemplar!
O alumnado de 3º ESO acudíu á biblioteca para conmemorar o Día de Europa mediante unha actividade dixital e colaborativa. Divertíronse resolvendo un Quiz creado pola profesora de inglés María José Gil con diversas preguntas para coñecer mellor a Unión Europea ao tempo que activaron as súa competencia plurilingüe.
Hoxe reunímonos na undécima sesión do club de lectura de 5º e 6º de primaria.
Como continuación da sesión anterior na que o alumnado elaborou un esquema no seucaderno dos personaxes da lectura "A rateira" de Agatha Christie, hoxe presentóuselle un desafío ao alumnado: serán capaces de identificar aos distintos personaxes nunha fotografía dunha representación teatral?
Claro que si, reto conseguido.
Ademais,ao final da reunión opinamos sobre o título da obra. O alumnado ofreceu o seupunto de vista sobre se o título parecíalles adecuado ou non e propuxéronse algúns títulos alternativos.
