Obradoiro artístico

 O alumnado de 2 primaria viviu unha xornada chea de cor, imaxinación e diversión ao realizar unha encantadora manualidade utilizando materiais reciclados. Nesta ocasión, os pequenos artistas deron forma a un simpático gusano reciclado, demostrando que a creatividade non ten límites cando se traballa con ilusión.

A actividade tivo como protagonista un elemento cotián e sinxelo: o tubo de papel hixiénico. A partir del, cada neno e nena creou o seu propio gusano colorido, engadindo detalles únicos que fixeron que cada creación fose especial.

Materiais empregados:

• Tubos de papel hixiénico (un por alumno/a)
• Pinturas témperas de distintas cores
• Pinceis
• Limpapipas para facer os cornos do gusano
• Pegamento
• Cartolina recortada en forma de folla
• Tesoiras

Pasos que seguimos:

1. Preparación: Cada alumno/a escolleu a cor coa que quería pintar o seu tubo, que sería o corpo do gusano.
2. Pintura: Con moito coidado e precisión, os nenos e nenas pintaron os tubos usando pinceles e témperas. Despois, deixamos secar as obras de arte.
3. Decoración: Co tubo xa seco, chegou o momento de pegar dous limpiapipas na parte superior para simular os cornos do gusano.
4. Montaxe: Para rematar, cada gusano foi pegado sobre unha cartolina en forma de folla, creando a sensación de que estaban repousando na natureza.
5. Detalles finais: Algúns decidiron debuxar ollos, bocas e incluso pequenas

XVII Xornada dos Clubs de Lectura

 Carmen García, coordinadora dos nosos clubs de lectura, está hoxe na XVII Xornada dos Clubs de Lectura no Palacio de Congresos e Exposicións de Galicia en Santiago de Compostela.

Grazas  #bibliotecasescolares por esta oportunidade!

Derradeiro encontro do club de lectura

 Chegamos ao final da nosa aventura literaria con "Ringo. Memorias dun coello fedello" de Pablo Nogueiras, e que mellor xeito de pechar este viaxe que rememorando todo o aprendido e compartido! 

Nesta derradeira sesión, o alumnado expresou as súas opinións sobre o libro, destacando o que máislles gustou:

• Os personaxes únicos do circo Fantabuloso: desde Ringo, o coello fedello, ata o cabalo Gonzalo, o rinoceronte bailarín Xenofonte ou o escornabois Lois. ¡Cada un ten a súa propia magia!

• As ilustracións, que dan vida a esta historia chea de cor e fantasía.

• A importancia do respecto aos animais, unha bonita mensaxe que percorre todo o relato.

Foi unha oportunidade para recordar os nosos momentos favoritos: as creacións dos marcapáxinas, as nosas discusións sobre os números do circo e, sobre todo, a ilusión de descubrir xuntos cada páxina.

Agora, con este libro no corazón, seguiremos a buscar novas historias que nos fagan soñar. 

Grazas, Ringo, por ensinarnos que incluso un pequeno coello pode ser o protagonista da súa propia aventura!

Agasallo Erasmus

 Grazas ao alumnado e profesorado que estivo de  mobilidade Erasmus no Agrupamento de Escolas Don Luís de Ataíde en Peniche, Portugal, polos fermosos libros que trouxeron para facer a biblio máis plurilingüe.

Día das Letras Galegas

 Os alumnos e alumnas de primeiro ciclo de primaria celebraron o Día das Letras Galegas na biblioteca con moita creatividade e ilusión, unha data para lembrar e valorar a nosa lingua e tamén para homenaxear a persoas ou temas importantes da nosa cultura. Este ano, dedicado ao cancioneiro popular galego, pintaron as súas pandeiretas, enchendo de cor e tradición cada recuncho.

Polos creativos

 O alumnado de 3º da ESO tivo a oportunidade de participar nunha actividade especial na nosa biblioteca, onde mergullaron no mundo da construción e a robótica grazas ao material dos Polos Creativos. 

Nesta sesión, combinamos aprendizaxe, creatividade e traballo en equipo, permitindo aos estudantes explorar novas habilidades mentres resolvían retos e creaban os seus propios proxectos. Foi unha experiencia chea de enxeño, colaboración e moita diversión!

Sen dúbida, unha forma innovadora de conectar co futuro e potenciar as competencias tecnolóxicas no noso alumnado. ¡Estamos desexando ver que novos proxectos traen ao próximo encontro! 

Día de Europa

 Este 2025 cúmprense 75 anos da Declaración Schuman, a orixe da paz, unidade e cooperación en Europa.

Queres saber como naceu a Unión Europea?

📚 Explora a nosa selección de libros e recursos!

🔹 O futuro dun soño: Europa 2046

🔹 Breve guía do euro

🔹 O ABC do dereito da UE

🔹 Modules d’enseignement de l’Europe

🔹 Treasure Hunt on the Farm (para os máis peques)

Ven á biblioteca e descobre Europa connosco!

Décimocuarto encontro do club de lectura

 Hoxe mergullámonos no marabilloso mundo do circo Fantabuloso para coñecer os seusmáis peculiares habitantes: os animais que fan deste libro (Ringo. Memorias dun coellofedello) unha historia chea de maxia e respecto pola natureza.

Descubrimos personaxes tan orixinais como:

• Gonzalo, o cabalo de madeira que fuxiu dunha noria e agora encesta balóns como ningún. 

• Xenofonte, o rinoceronte que baila ballet con gracia inesperada. 

• Lois, o escornabois, piloto que voa nun avión de papel. 

• Arturo, o canguro saltarín que necesita paracaídas para non escapar nas nubes. 

Unha das cousas que máis nos gustou é que no circo Fantabuloso os animais son tratados con cariño e respecto. Seguiremos a viaxe con Ringo e os seus amigos, porque cada páxinaé un novo descubrimento. 

Pau de choiva: un novo proxecto colaborativo na biblio

 Os alumnos e alumnas de 3º de Primaria participaron recentemente nunha actividade moi especial organizada pola biblioteca do colexio dentro da materia de Arts and Crafts. A proposta consistiu en combinar a creatividade coa experimentación sensorial, dando lugar a un obradoiro de elaboración de paus de choiva.

Para inspirarse, o alumnado comezou consultando diversos libros de manualidades dispoñibles na biblioteca escolar. A partir das ideas atopadas, decidiron construír o seu propio pau de choiva utilizando materiais sinxelos e accesibles: tubos de cartón, pinturas de cores, cinta adhesiva e lentejas secas.

Cada neno e nena decorou o seu pau con moita imaxinación, creando deseños únicos e cheos de cor. Unha vez montados, os paus de choiva foron utilizados inclinándoos suavemente dun lado a outro, escoitando con atención o son relaxante que producen as lentellas ao deslizarse polo interior do tubo. Esta parte final da actividade resultou especialmente máxica, xa que permitiu ao alumnado experimentar unha sensación de calma a través dun obxecto creado por eles mesmos.

Foi unha experiencia enriquecedora, que combinou lectura, creatividade e relaxación, demostrando unha vez máis o valor da biblioteca como espazo de aprendizaxe e inspiración.

2 de maio: Día contra o acoso escolar

 Na nosa biblioteca cremos no poder dos libros para xerar empatía, reflexionar e transformar realidades. Con motivo do Día Internacional contra o Acoso Escolar, convidámosche a descubrir lecturas que nos axudan a entender e combater esta realidade.

Estes son algúns dos títulos que atoparás dispoñibles:

🐑 Copiota – Ali Pye

Unha tenra historia sobre a importancia de ser un mesmo. Mini sempre imita todo o que fai Maxi, ata que descobre que ser diferente tamén é marabilloso.

🧠 O club dos raros – Jordi Sierra i Fabra

Farto de ser etiquetaxe como "raro", Hugo decide formar un club para todos os que, como el, senten que non encaixan. Un canto á diversidade e ao respecto.

🌈 Violeta & Co. cambian o mundo – Raquel Díaz Reguera

Violeta e os seus amigos descobren que con pequenas accións poden cambiar a súa contorna e facer do colexio un lugar mellor para todos. Unha historia sobre solidariedade e valentía.

👀 Invisible – Eloy Moreno (versión infantil)

Un neno que sente invisible #ante os seus compañeiros e o mundo. Unha emotiva historia sobre a dor silenciosa do acoso escolar e a necesidade de ver a quen máis o necesitan.

🫶 A lección de August – R.J. Palacio

August é un neno cunha malformación facial que, por primeira vez, irá á escola. Unha novela sobre a empatía, a amizade e a aceptación.

⭐ Wonder – R.J. Palacio 

A historia de August contada desde distintas perspectivas, que mostra como cada persoa enfronta o bullying, o medo e o amor de maneira diferente. Unha obra inesquecible que ensina que ser amable sempre marca a diferenza.

📖 Ven a por o teu próximo libro e súmate ao cambio.