Lecturas pola igualdade II

 Un proxecto de visibilización do papel das mulleres na ciencia e no deporte en 3ºESO

Durante varias sesións, o alumnado de 3ºESO participou nunha actividade interdisciplinar que combinou lectura, investigación e creatividade coa finalidade de poñer en valor o papel das mulleres na historia da ciencia e do deporte.

Para iso, partimos de dúas obras dispoñibles na biblioteca:
📖 "Mulleres no deporte: 50 mulleres que xogaron para gañar"
📖 "Mulleres na ciencia: 50 científicas célebres que cambiaron o mundo"

A partir da lectura destes libros, o alumnado escolleu figuras destacadas destes ámbitos e elaborou murais informativos nos que se recollen as súas achegas, logros e contextos históricos. Un traballo que favoreceu a reflexión sobre a igualdade de xénero e o recoñecemento de referentes femininos moitas veces invisibilizados.

🔬 Na materia de Bioloxía e Xeoloxía, centráronse nas seguintes científicas:

• Nettie Stevens
• Ada Lovelace
• Hipatia
• Jane Cooke Wright
• Rosalind Franklin
• Lise Meitner
• Bárbara McClintock

Cada mural recolleu datos relevantes, curiosidades e ilustracións ou fotografías das protagonistas, destacando a importancia do seu labor científico e a súa influencia ata os nosos días.

⚽️ No eido deportivo, tamén houbo representación de mulleres pioneiras en diferentes disciplinas, que abriron camiño a novas xeracións de deportistas.

Foi unha experiencia enriquecedora, que combinou lectura comprensiva, traballo en equipo, investigación e expresión artística, fomentando valores de igualdade, respecto e recoñecemento histórico.

Lecturas pola igualdade

 O alumnado de 2º e 4º curso de Educación Primaria participou recentemente nunha actividade moi especial enmarcada dentro do proxecto Lecturas pola Igualdade, relacionada co Obxectivo de Desenvolvemento Sostible nº 5 (ODS 5): Igualdade de Xénero.

A partir da lectura do libro El rosa, el azul y tú da autora Elise Gravel, nenos e nenas tiveron a oportunidade de reflexionar sobre a importancia do respecto, a liberdade e a necesidade de eliminar os estereotipos de xénero que, moitas veces, están presentes na vida cotiá.

A sesión foi dinamizada pola titora de 2º, Mary, e o titor de 4º, Alberto, que guiaron o diálogo e promoveron un espazo seguro para compartir ideas e experiencias.

🟣 Obxectivos da actividade:

• Fomentar o pensamento crítico e o debate sobre os roles de xénero.

• Promover a igualdade e o respecto desde a infancia.

• Sensibilizar ao alumnado sobre a diversidade e a liberdade de ser un mesmo ou unha mesma.

Foi unha xornada enriquecedora, chea de aprendizaxes significativas e compromiso co futuro. Porque educar en igualdade é construír unha sociedade máis xusta para todas e todos.

Xogos, libros e moitas risas

 O alumnado de 3º ESO A visitou a biblioteca para participar nunha divertida sesión de aprendizaxe a través de xogos educativos. Durante a actividade, os rapaces e rapazas xogaron con diferentes recursos para practicar o inglés e o galego dun xeito ameno e dinámico.

Ademais, desfrutaron dun entretido xogo de adiviñas que puxo a proba a súa imaxinación e capacidade de dedución. Ao rematar, aproveitaron a ocasión para escoller algún libro de préstamo e levalo para ler na casa.

Como recordo da xornada, levaron tamén uns marcapáxinas de agasallo. Foi unha experiencia enriquecedora que combinou aprendizaxe, lectura e diversión.

The Colour Monster in our School Library

 Os nosos peques de 3 anos viviron unha experiencia máxica na biblioteca do cole acompañados pola súa teacher Eva e pola súa mestra María. Alí coñeceron ao entrañable Monstro de Cores, un conto que lles axudou a identificar e expresar as súas emocións como happy, sad, angry, scared, calm e loved a través das cores en inglés.

De forma natural e divertida, os nenos comezaron a usar expresións sinxelas como "I feel happy!" mentres exploraban como se sentían.

Unha mañá chea de lectura, emocións e aprendizaxe bilingüe que xa están a desexar repetir.

 

Visita lúdica á biblioteca: xogos, libros e moita diversión

 Hoxe foi un día especial para o noso grupo de titoría, xa que tivemos a sorte de visitar a biblioteca do centro para participar nunha actividade moi diferente e enriquecedora. O obxectivo? Coñecer e experimentar con algúns dos novos xogos que forman parte do seu fondo: xogos lingüísticos, de historia e de habilidade que, ademais de entreter, axudan a desenvolver múltiples competencias.

Entre os xogos cos que puidemos xogar estaban Hoxe foi un día especial para o noso grupo de titoría, xa que tivemos a sorte de visitar a biblioteca do centro para participar nunha actividade moi diferente e enriquecedora. O obxectivo? Coñecer e experimentar con algúns dos novos xogos que forman parte do seu fondo: xogos lingüísticos, de historia e de habilidade que, ademais de entreter, axudan a desenvolver múltiples competencias.

Entre os xogos cos que puidemos xogar estaban A bo entendedor, A natureza no camiño, Vacaloura, Imagine Family, Meigallo e Explorers, entre outros. Cada un propón retos distintos: dende adiviñar conceptos con pistas visuais, pasando por aventuras naturais e históricas, ata xogos de maxia e imaxinación.

O alumnado gozou dunha xornada participativa, lúdica e moi dinámica, onde o traballo en equipo, a comunicación e a creatividade foron os verdadeiros protagonistas.

Pero iso non foi todo! Tamén tivemos a oportunidade de descubrir os novos libros incorporados á colección da biblioteca, ampliando así as opcións de lectura para todas e todos. Hai propostas para todos os gustos: novelas xuvenís, libros ilustrados, ciencia, natureza, igualdade... Un verdadeiro paraíso para as mentes curiosas!

Sesión de contacontos

 Hoxe na biblioteca do colexio vivimos unha xornada moi especial para celebrar a apertura oficial do curso. A actividade estivo dirixida aos tres cursos de Educación Infantil e tivo como protagonista o fermoso conto De que color es un beso? De Rocío Bonilla.

A coordinadora encargouse de dar vida á historia a través dun contacontos cheo de expresividade e emocións, que mantivo a atención e a ilusión dos nenos e nenas en todo momento. A historia fíxolles reflexionar sobre os sentimentos, as cores e a importancia de poñer imaxinación ao que sentimos.

Unha vez rematada a lectura, os máis pequenos tiveron a oportunidade de participar de maneira activa: colorearon unhas fichas con forma de beizos, elixindo eles mesmos a cor que máis lles gustaba para representar o seu propio bico. A diversidade de cores fixo que cada traballo fose único, igual que cada neno e cada emoción.

Como peche da actividade, repartíronse os carnés da biblioteca ao alumnado novo, un momento moi ilusionante que simboliza a súa benvida oficial ao espazo da lectura. Deste xeito, cada un deles leva xa na man a chave para descubrir novas aventuras, contos e coñecementos ao longo do curso.