Os peques de 4 anos gozaron dunha sesión especial de contacontos e manualidades na biblioteca do colexio coa historia clásica de Eric Carle, The Very Hungry Caterpillar. A través deste conto, descubriron o ciclo vital da bolboreta, ao tempo que aprenderon e reforzaron vocabulario en inglés sobre os alimentos e os días da semana.
Durante a actividade, os nenos escoitaron con atención a narración da historia, observando as fermosas ilustracións do libro e participando activamente repetindo palabras clave en inglés. Despois, puxeron a súa creatividade en acción cunha divertida manualidade na que recrearon a eiruga protagonista da historia usando diferentes materiais.
Foi unha experiencia lúdica e educativa que lles permitiu aprender xogando, favorecendo a súa inmersión na lingua inglesa dun xeito natural e divertido.
Ningún comentario:
Publicar un comentario