Susana Novoa, profesora do Liceo Lingüístico A. Manzoni de Varese, Italia e de estadía de observación Erasmus no nido colegio, entrevistouse con Chus Corral, a coordinadora da biblioteca, para familiarizarse coa xestión e funcionamento da mesma e participou nunha actividade de dinamización na que contou ao alumnado un conto en italiano.
Grazas por amosar interese na nosa biblio, Susana!
Nesta sesión continuamos coa lectura de Ringo. Memorias dun coello fedello, centrando o noso traballo nos dous primeiros capítulos: "Ringo" e "Bicicleta".
O alumnado ampliou o seu vocabulario explorando o significado de palabras como fedello, besbello, buligar e apouvigar, enriquecendo a súa comprensión do texto e aprendendonovas expresións.
Entre páxinas cheas de tenrura, descubrimos que o amor e a amizade fannos sentir felices e acompañados. Foi un momento especial, onde non só desfrutamos da lectura, senón que tamén fortalecemos os nosos lazos como compañeiros e amigos.
Nesta sesión comezamos un novo libro: Ringo. Memorias dun coello fedello, escrito por Pablo Nogueira e ilustrado por David Pintor.
Ringo é un coello que, tras un fallo nun truco de maxia, atópase perdido lonxe do Circo Fantabuloso. Na súa aventura para regresar, coñecerá a novos amigos e vivirá experiencias que destacan valores como a amizade, a diversidade e a empatía.
Nesta primeira reunión, achegámonos ao argumento, ás persona es e ao autor desta historia chea de imaxinación, enxeño e humor.
O alumnado de 1 e 2 de primaria celebrou o Día da Paz na biblio lendo “Palabras con corazón”, co que aprenderon a importancia de falar con amabilidade e respecto.
Despois da lectura, cada neno decorou un marcapáxinas especial con mensaxes e debuxos sobre a paz. Estes marcapáxinas lembraranlles a importancia desta data cada vez que abran un libro. Porque a paz comeza con pequenas accións e palabras cheas de corazón.
🔸 Primeira parte: Os estudantes mergulláronse na lectura de libros ilustrados da súaelección, explorando títulos como Maus, Herba, Astérix e Obélix, Memorias dun nenolabrego.
🔸 Segunda parte: Hora de creatividade! Os alumnos desenvolveron a súa faceta artística engadindo textos a viñetas de cómics infantís, dando vida a novas historias.
🔸 Peche: Compartiron as súas creacións cos seus compañeiros, demostrando o seutalento e gozando dun ambiente colaborativo.
Unha experiencia que une literatura, arte e creatividade. Grazas a todos por participar e facer desta actividade un éxito! 👏🎉
O alumnado de 1 de primaria e de 3 da ESO participou nun obradoiro de ilustración de historias escritas por eles/as mesmos/as.
Reflexionaron sobre a importancia das ilustracións nos libros, como estas non só complementan o texto senón que tamén lle dan vida, axudan a comprender mellor a historia e esperaran a imaxinación dos lectores.
Crearon microrrelatos partindo de experiencias persoais
Ilustraron escenas escollidas dos seus textos para ilustradas desde perspectivas artísticas moi diversas!
Foi unha experiencia enriquecedora que seguramente recordarán cando collan un libro ilustrado nas mans, sabendo que detrás de cada páxina hai un mundo de imaxinación e esforzo.
