Día Mundial do TEA

 Cada 2 de abril é un día para aprender, comprender e celebrar a inclusión. 

Desde a biblioteca escolar, queremos recomendar dous libros que nos axudan a coñecer mellor o trastorno do espectro autista :

📖 Canto nos parecemos – Un fermoso libro de Juan Martos e Carolina Lagoa, ilustrado por Jesús López, the que nos convida a reflexionar sobre as similitudes e diferenzas que nos enriquecen.

📖 TEA de Alejandra González – Unha lectura que nos achega á realidade do Trastorno do Espectro Autista desde unha perspectiva accesible e emotiva.

Achégate á biblio!

 

Proxecto “Os lenzos viventes”

  O alumnado dos cursos da ESO están a participar nun proxecto nas materias de Lingua Castelá, Plástica e Xeografía e Historia , titulado "A biblioteca vístese de arte: Os lenzos viventes". Este proxecto lévase a cabo para que os estudantes se mergullen no mundo da arte dun xeito creativo e participativo, e ser presentado no 12º Festival do Libro que se celebrará no colexio.

O traballo comezou na biblioteca do centro, coa busca dos alumnos de cadros pertencentes a calquera etapa da historia da arte. Unha vez seleccionadas as obras, cada grupo investigou sobre o seu cadro, recompilando información sobre o autor, a cronoloxía, o tema, as características artísticas e o contexto histórico da pintura.

Unha vez adquiridos os datos necesarios, os alumnos pensaron en como podían representar os cadros a través dunha fotografía, onde eles foran os protagonistas. Para iso, analizaron a composición da obra e buscaron a roupa axeitada e os complementos necesarios para recrear as escenas de maneira fidedigna.

A seguinte fase do proxecto consistiu en deseñar na materia de Plástica os marcos para cada cadro, adaptándoos ao estilo artístico correspondente á etapa histórica de cada obra: Renacemento, Barroco, Neoclásico…

Déixovos dalgunhas imaxes das primeiras fases deste interesante proxecto! Desexando ver o resultado final!

Sesión musical na biblio

O alumnado de 4º ESO A, na materia de Música, están a filmar unha película para presentala no próximo Festival do Libro que se vai celebrar no colexio.A película titúlase “Na busca do libro perdido”, e é a continuación do proxecto do curso pasado, no que a historia presentouse en formato audiolibro.

Nesta ocasión, a biblioteca será o local de ensaio onde os alumnos están a grabar un playback con instrumentos de corda (violín e chelo) para darlle continuidade á película. 

Esperamos que vos guste! 

 

Día da Poesía

 Hoxe, no Día da Poesía, a nosa biblioteca converteuse nun verdadeiro espazo de inspiración!

Todo o alumnado da ESO participou nunha actividade especial para achegarse á poesía galega e universal a través da investigación e a creatividade. 

Os estudantes exploraron os fondos da biblioteca, descubriron poetas e poetisas galegas como Rosalía de Castro, Eduardo Pondal ou Filomena Dato, e crearon biografías para compartir a súa vida e obra.

Tamén seleccionaron poemas de grandes autores nacionais e internacionais como Gustavo Adolfo Bécquer, Pablo Neruda e Gloria Fuertes, deixando un muro cheo de versos e emocións. 

¡Unha actividade que encheu de poesía as nosas paredes e mentes! 

Undécimo encontro do club de lectura

 O alumnado de 5º e 6º de primaria continúa coa lectura de “Ringo. Memorias dun coellofedello”. Nesta sesión, o alumnado traballou nunha recompilación dos principais personaxesdo Circo Fantabuloso, un lugar único onde se respecta aos animais, non hai diferenzas entre homes e mulleres, e a diversidade é o valor principal.

Entre os personaxes preferidos dos nenos e nenas están:

Máxima Forzuda, capaz de levantar unha tonelada de filloas cunha soa man.

Leonidas Loureiro, o mago Leo, cuxa destreza supera calquera límite, mesmo sen unbrazo.

Marcial, o funambulista cun ollo de cristal, capaz de camiñar por encima dun delgado fío mentres le o xornal e pedalea nun monociclo.

Unha actividade que nos permitiu coñecer máis sobre este circo inclusivo e reflexionar sobre o valor da diversidade.

Celebramos a Semana da Prensa

 Durante a Semana da Prensa, o alumnado de 1º da ESO e do 1º ciclo de Primaria participou nunha serie de actividades para achegarse ao mundo do xornalismo. Ao longo desta semana, investigaron e repasaron conceptos clave como que é un xornal, as partes dunha noticia ou os diferentes xéneros xornalísticos. Repararon que a prensa é un medio de comunicación fundamental que nos axuda a estar informados sobre o que sucede no mundo e que inclúe diferentes formatos, como periódicos, revistas e tamén a prensa dixital. Como resultado deste traballo, elaboraron un mural onde expuxeron a información recompilada. Ademais, onte tiveron unha sesión especial na biblioteca, na que realizaron a lectura do suplemento do xornal escolar, fomentando así o gusto pola lectura e a comprensión dos textos xornalísticos.

Décimo encontro do club de lectura

 Nesta sesión seguimos descubrindo as aventuras de Ringo, o protagonista de Ringo. Memorias dun coello fedello, e centrámonos nun dos seus trazos máis divertidos: o seu gusto polas rimas!

Primeiro, o alumnado buscou rimas que aparecen no libro, gozando do enxeño do autor. Logo, animáronse a crearr as súas propias rimas a través de dúas dinámicas : “Cadea de rimas” e Creación de mini poemas. Estas actividades puxeron a proba a súa creatividade e axilidade coas palabras. 

Foi unha experiencia chea de ritmo e aprendizaxe! Porque a lectura e a escritura tamén poden ser un xogo.

Libros recomendados para o 8M: A contribución das mulleres nas ciencias

 O 8 de marzo, Día Internacional da Muller, é unha data para visibilizar o traballo das mulleres en diversos ámbitos da sociedade. Neste sentido, a literatura tamén xoga un papel fundamental para dar a coñecer as historias esquecidas ou invisibilizadas, como as mulleres que fixeron importantes achegas nas matemáticas e na ciencia. O equipo da nosa biblioteca quere recomendarvos tres libros imprescindibles para este día que nos axudan a coñecer o impacto de mulleres nas ciencias. 

Achégate a próxima semana á biblio!
    As mulleres nas matemáticas

    Este libro ofrece un percorrido polas vidas e traballos de mulleres matemáticas que deixaron un legado impagable. A través de historias de mulleres que marcaron a historia das matemáticas, desde Hipatia de Alejandría ata as científicas máis contemporáneas, o texto achega unha visión profunda sobre como a súa contribución foi esencial, a pesar de ser, en moitos casos, descoñecida ou relegada. Recoméndase a súa lectura para comprender como as mulleres seguiron loitando por ser recoñecidas nun campo que, tradicionalmente, foi dominado por homes.

    E ti, que científicas coñeces?

    Unha obra pensada para todas as idades, especialmente para os máis novos, que achega de xeito sinxelo e directo a historia de diversas científicas que cambiaran o curso das súas disciplinas. Este libro invita aos lectores a reflexionar sobre as grandes mulleres científicas que, malia as dificultades da súa época, revolucionaron a física, a bioloxía, a química e outras ramas do coñecemento. Unha opción perfecta para iniciar aos máis pequenos no mundo da ciencia e inspirarlles a seguir os pasos de mulleres como Marie Curie ou Rosalind Franklin.

    Pioneiras da ciencia en Galicia

 
    Este libro fai un fermoso tributo ás mulleres galegas que foron pioneiras no mundo da ciencia. A través de relatos inspiradores, coñecemos a científicas galegas que, moitas veces, traballaron nas sombras, pero cuxo traballo foi clave para o desenvolvemento da ciencia e a tecnoloxía. Desde investigadoras na medicina ata especialistas en bioloxía ou física, este libro amosa a relevancia das galegas no ámbito científico.

A lectura destes libros é unha maneira de rendir homenaxe ás mulleres que, desde as sombras, contribuíron ao progreso da ciencia e as matemáticas. Neste 8M, é fundamental recoñecer o seu legado e seguir loitando por un mundo máis igualitario.