No cuarto día da súa mobilidade Erasmus en Dublín, María José Gil centrouse en comprender en profundidade o fenómeno do bullying e en adquirir ferramentas prácticas para previr e xestionalo desde o ámbito educativo. A xornada combinou formación teórica, dinámicas de aula e actividades culturais, reforzando o aprendizaxe emocional.
Durante a mañá, María José definiu claramente que é o bullying, un paso esencial para poder identificalo e abordalo correctamente. Participou en diversas actividades orientadas a previr este tipo de condutas na aula, fomentar unha convivencia positiva e empoderar ao alumnado para actuar de maneira asertiva e cooperativa.
Tamén profundizou na psicoloxía do agresor, analizando as carencias e necesidades que poden estar na orixe destas condutas. Este enfoque permitiulle comprender mellor os distintos perfís e reflexionar sobre estratexias de intervención máis eficaces. Ademais, traballou co Sociograma de Jacob L. Moreno, unha ferramenta de análise social que permite coñecer as relacións internas dun grupo e identificar dinámicas, roles e posibles focos de conflito.
María José estudou os ciclos do bullying para comprender como se desenvolve, que roles interveñen e cales poden ser as consecuencias tanto para as vítimas como para os agresores e espectadores, adquirindo así unha visión global que facilita a intervención temperá e eficaz.
A continuación, visitou a Galería Nacional de Dublín, onde participou nunha actividade orientada a aplicar o aprendizaxe emocional a través do arte. Esta experiencia permitiulle descubrir como as obras artísticas poden convertirse nun recurso educativo poderoso para traballar a empatía e a expresión emocional.
Para rematar a xornada, María José realizou unha visita cultural á impresionante biblioteca do Trinity College e ao famoso Book of Kells, un dos manuscritos iluminados máis importantes do mundo, pechando así un día intenso e inspirador.
Ningún comentario:
Publicar un comentario