Avanzando na inclusión

 Esta semana, o alumnado de 3.º de ESO tivo a oportunidade de utilizar os novos recursos incorporados á nosa biblioteca, pensados para facer deste espazo un lugar máis inclusivo e accesible para todos. A través de actividades como esta, seguimos avanzando na mellora do noso centro como un espazo de aprendizaxe dinámico e aberto á diversidade.

Durante a sesión, os estudantes realizaron un traballo de investigación centrado nas esculturas gregas ao longo das súas tres etapas principais: arcaica, clásica e helenística. Non só profundaron no arte da antiga Grecia, senón que tamén tiveron a oportunidade de desenvolver habilidades de búsqueda, análise e colaboración.

Ver como a mellora do entorno e dos materiais favorece o aprendizaxe activo e o interese do alumnado é unha gran satisfacción para todo o equipo da biblioteca. Continuamos traballando para que este espazo sexa cada vez máis útil, inclusivo e accesible para todos.

Afondamos na Teoría da Evolución

 Hoxe, o alumnado de 4.º da ESO viviu unha xornada especial na nosa biblioteca escolar. A través da lectura e análise do libro A orixe das especies de Charles Darwin, achegámonos a un dos fitos máis importantes da historia da ciencia: a teoría da evolución.

Durante a sesión, reflexionamos sobre a figura de Darwin e o seu impacto na bioloxía moderna, contextualizando o seu traballo dentro dos contidos estudados nesta última avaliación sobre as probas e teorías evolutivas. A biblioteca converteuse nun espazo de aprendizaxe activa onde o pensamento crítico, a curiosidade científica e a historia da ciencia se deron a man.

Unha vez máis, demóstrase que os libros son portas abertas ao coñecemento e que a biblioteca é un lugar clave para descubrir, pensar e compartir saberes.

Os peques de 4 años visitan a biblio

 O pasado día, os nenos e nenas de 4 anos de Educación Infantil viviron unha experiencia moi especial coa súa visita á biblioteca do colexio. Alí agardábaos Patricia, a súa mestra, para compartir un momento máxico arredor da lectura do conto Miedoso, do autor Pablo Bernasconi. Esta historia captou de inmediato a atención dos máis pequenos, que seguiron con moito interese as aventuras do seu protagonista.

Pero a xornada non rematou aí. Despois da lectura, chegou o momento do xogo: sesións cheas de diversión e aprendizaxe nas que o alumnado puido facer parellas, construír con pezas de madeira e explorar diferentes materiais lúdicos. Estas actividades non só lles permitiron pasalo ben, senón que tamén contribuíron ao desenvolvemento da atención, a memoria e a motricidade fina, fomentando ao mesmo tempo a colaboración e o traballo en equipo.

Cómpre destacar que o material utilizado nesta sesión procedía tanto da biblioteca do centro como da aula dos Polos Creativos, aproveitando ao máximo os recursos dispoñibles para enriquecer a experiencia educativa.

Foi, sen dúbida, unha xornada moi entretida e enriquecedora, na que se combinou lectura, xogo e aprendizaxe nun ambiente acolledor e estimulante. 

Obradoiro artístico

 O alumnado de 2 primaria viviu unha xornada chea de cor, imaxinación e diversión ao realizar unha encantadora manualidade utilizando materiais reciclados. Nesta ocasión, os pequenos artistas deron forma a un simpático gusano reciclado, demostrando que a creatividade non ten límites cando se traballa con ilusión.

A actividade tivo como protagonista un elemento cotián e sinxelo: o tubo de papel hixiénico. A partir del, cada neno e nena creou o seu propio gusano colorido, engadindo detalles únicos que fixeron que cada creación fose especial.

Materiais empregados:

• Tubos de papel hixiénico (un por alumno/a)
• Pinturas témperas de distintas cores
• Pinceis
• Limpapipas para facer os cornos do gusano
• Pegamento
• Cartolina recortada en forma de folla
• Tesoiras

Pasos que seguimos:

1. Preparación: Cada alumno/a escolleu a cor coa que quería pintar o seu tubo, que sería o corpo do gusano.
2. Pintura: Con moito coidado e precisión, os nenos e nenas pintaron os tubos usando pinceles e témperas. Despois, deixamos secar as obras de arte.
3. Decoración: Co tubo xa seco, chegou o momento de pegar dous limpiapipas na parte superior para simular os cornos do gusano.
4. Montaxe: Para rematar, cada gusano foi pegado sobre unha cartolina en forma de folla, creando a sensación de que estaban repousando na natureza.
5. Detalles finais: Algúns decidiron debuxar ollos, bocas e incluso pequenas

XVII Xornada dos Clubs de Lectura

 Carmen García, coordinadora dos nosos clubs de lectura, está hoxe na XVII Xornada dos Clubs de Lectura no Palacio de Congresos e Exposicións de Galicia en Santiago de Compostela.

Grazas  #bibliotecasescolares por esta oportunidade!

Derradeiro encontro do club de lectura

 Chegamos ao final da nosa aventura literaria con "Ringo. Memorias dun coello fedello" de Pablo Nogueiras, e que mellor xeito de pechar este viaxe que rememorando todo o aprendido e compartido! 

Nesta derradeira sesión, o alumnado expresou as súas opinións sobre o libro, destacando o que máislles gustou:

• Os personaxes únicos do circo Fantabuloso: desde Ringo, o coello fedello, ata o cabalo Gonzalo, o rinoceronte bailarín Xenofonte ou o escornabois Lois. ¡Cada un ten a súa propia magia!

• As ilustracións, que dan vida a esta historia chea de cor e fantasía.

• A importancia do respecto aos animais, unha bonita mensaxe que percorre todo o relato.

Foi unha oportunidade para recordar os nosos momentos favoritos: as creacións dos marcapáxinas, as nosas discusións sobre os números do circo e, sobre todo, a ilusión de descubrir xuntos cada páxina.

Agora, con este libro no corazón, seguiremos a buscar novas historias que nos fagan soñar. 

Grazas, Ringo, por ensinarnos que incluso un pequeno coello pode ser o protagonista da súa propia aventura!

Agasallo Erasmus

 Grazas ao alumnado e profesorado que estivo de  mobilidade Erasmus no Agrupamento de Escolas Don Luís de Ataíde en Peniche, Portugal, polos fermosos libros que trouxeron para facer a biblio máis plurilingüe.